အခန်း ၁၄ ကိုးဆင့်မြောက် အလယ်အဆင့်
သစ်သားသေတ္တာကိုင်ထားကာ အံ့သြမှု.. စိတ်လှုပ်ရှားမှုနှင့် ရှက်ရွံ့မှုတို့ ရောနှောနေသော တောက်ပသည့် အပြုံးများ ပွင့်လန်းနေသည့် ကျူးကဲယွဲ့ကို ကြည့်ရင်း လီကွေ့သိုင်သည် မကြုံစဖူး ကျေနပ်အားရမှုနှင့် တည်ကြည်လေးနက်မှုတို့ သူ့ရင်ဘတ်ထဲတွင် ပြည့်နှက်လာသည်ကို ခံစားလိုက်ရသည်။
သူသည် ရှေ့သို့တိုးလာကာ ကျူးကဲယွဲ့၏ အေးစက်နေသည့် လက်သေးသေးလေးကို ညင်သာစွာ ဆုပ်ကိုင်လိုက်ပြီး နူးညံ့ပြီး ရိုးသားသော မျက်လုံးများဖြင့် သူမအား စိုက်ကြည့်လိုက်သည်။
"ယွဲ့အာ" သူ၏ အသံမှာ ကျယ်လောင်ခြင်း မရှိသော်လည်း ငြင်းပယ်၍မရနိုင်သော ရိုးသားမှုတို့ ပါဝင်နေခဲ့သည်.။
"ငါတို့ လက်ထပ်ကြရအောင်"
သူ၏စကားကို ကြားလိုက်ရသောအခါ ကျူးကဲယွဲ့၏ နုနယ်သော ကိုယ်ခန္ဓာမှာ အနည်းငယ် တုန်ယင်သွားခဲ့ကာ သူမ၏ မျက်ရည်များဖြင့် ဝေဝါးနေသည့် မျက်လုံးများကို မော့ကာ သူ့ကို ကြည့်လိုက်သည်။
ဖယောင်းတိုင်မီးရောင်အောက်တွင် လီကွေ့သိုင်၏ အကြည့်မှာ နောက်ပြောင်မှု အစအနမျှမပါဘဲ ကြည်လင်ပြီး ခိုင်မာနေခဲ့သည်။
နိမ့်ကျလှသည့် ကျောက်ဂူနှင့် ဒီလို ရုတ်တရက် တင်ပြလာသည့် လက်ထပ်ခွင့် တောင်းဆိုမှုတို့မှတဆင့် သူမရှေ့ရှိ အမျိုးသားက သူမအား သူ ပေးစွမ်းနိုင်သမျှ အကောင်းဆုံးသော ထုံးတမ်းစဉ်လာနှင့် လေးစားမှုကို ပေးချင်နေကြောင်း သူမ ခံစားရသည်။
သူမ၏ စိတ်ထဲရှိ စိုးရိမ်ပူပန်မှုနှင့် တွန့်ဆုတ်မှုတို့မှာ ယခုချိန်တွင် ခိုလှုံရာတစ်ခုကို ရှာတွေ့သွားခဲ့သလို ဖြစ်သွားခဲ့သည်။
သူမသည် ခေါင်းကို အားပါးတရ ညိတ်လိုက်ကာ နှာသံလေးဖြင့် "အင်း" ဟူသော အသံကို ပြုလုပ်လိုက်ပြီး အသံမှာ သေးငယ်သော်လည်း နှိုင်းယှဉ်မရနိုင်လောက်အောင် ရှင်းလင်းပြတ်သားနေခဲ့သည်။
ခန်းမကို ပြည့်စေမည့် ဧည့်သည်များ မရှိ.. မိုးမွှန်နေသည့် နီရောင်ဖယောင်းတိုင်များ မရှိပေ။
ဤဂူနံပါတ် ၂၅၀.. အိမ်ထောင်သစ်စုံတွဲ တစ်တွဲနှင့် အပြန်အလှန် ကတိကဝတ်ပြုထားကြသည့် နှလုံးသား နှစ်ခုသာ ရှိနေခဲ့သည်။
လီကွေ့သိုင်သည် ကျူးကဲယွဲ့၏ လက်ကို ဆုပ်ကိုင်ကာ ဂူ၏ အလယ်ဗဟိုသို့ လျှောက်သွားခဲ့ပြီး အပြင်ဘက်ရှိ ကျယ်ပြောလှသော ညကောင်းကင်ယံကြီးကို မျက်နှာမူလိုက်သည်။
"ပထမဆုံး ကောင်းကင်နှင့် မြေကြီးကို ဂါရ၀ပြုပါတယ်" ဟု သူက အသံကျယ်ကျယ်ဖြင့် ကြေညာလိုက်ကာ ကျူးကဲယွဲ့နှင့်အတူ တွဲလျက် ဂါရ၀ပြုလိုက်သည်။
သူတို့နှစ်ဦး တွေ့ဆုံခွင့်ရစေခဲ့သည့် အခွင့်အရေးအတွက် သူ ကျေးဇူးတင်ရှိနေခဲ့သည်။
ထို့နောက် သူသည် အလွတ်ဖြစ်နေသည့် ကျောက်ထိုင်ခုံဘက်သို့ လှည့်လိုက်သည်။
"ဒုတိယအချက် ကျူးကဲအိမ်တော်ကြီးကို ဂါရ၀ပြုသည်" နှစ်ဦးသား နောက်တစ်ကြိမ် ထပ်မံ ဂါရ၀ပြုလိုက်ကြသည်။
ထို့နောက်မိဘ…
သူတို့၏ မိဘများမှာ ဘေးတွင် မရှိကြသော်လည်း သူတို့၏ အတွေးများကမူ ထိုသူများထံသို့ ရောက်ရှိပြီး ဖြစ်နေခဲ့သည်။
နောက်ဆုံးတွင် သူတို့သည် တစ်ဦးကိုတစ်ဦး မျက်နှာချင်းဆိုင် ရပ်လိုက်ကြသည်။
"ခင်ပွန်းနှင့် ဇနီး တစ်ဦးကိုတစ်ဦး ဂါရ၀ပြုမယ်"
လီကွေ့သိုင်သည် သူ၏ရှေ့ရှိ အလွန်အမင်း ရှက်ရွံ့နေသော်လည်း ရဲရင့်စွာဖြင့် သူ့အကြည့်ကို ရင်ဆိုင်နေခဲ့သည့် မိန်းကလေးငယ်ကို ကြည့်ရင်း နက်နက်ရှိုင်းရှိုင်း ဂါရ၀ပြုလိုက်သည်။
ကျူးကဲယွဲ့သည်လည်း သူမ၏ နားရွက်ဖျားများ လုံးဝ နီရဲလာကာ လှပယဉ်ကျေးစွာဖြင့် ဂါရ၀ပြုလိုက်သည်။
လုပ်ငန်းစဉ်မှာ ရိုးရှင်းလှပြီး ရယ်စရာပင် ကောင်းနေသေးသော်လည်း တစ်ဦးနှင့်တစ်ဦး၏ စိတ်နှလုံးထဲတွင်မူ နှိုင်းယှဉ်မရနိုင်လောက်အောင် တည်ကြည်လေးနက်နေခဲ့ကာ သူတို့၏ ဆက်ဆံရေးအစကို အပြည့်အဝ နွေးထွေးသွားစေခဲ့သည်။
...
ညဉ့်နက်လာခဲ့ပြီး ဂူအတွင်းတွင် အသစ်ဝယ်ယူထားခဲ့သည့် ဖယောင်းတိုင်တိုင်သာ ကျန်ရစ်ခဲ့ကာ မှေးမှိန်ပြီး နွေးထွေးသည့် အလင်းဝိုင်းကို ထုတ်လွှတ်နေခဲ့သည်။
အသစ်စက်စက် ခန်း၀င်ပစ္စည်းများ ခင်းထားသည့် ကျောက်ကုတင်ပေါ်တွင် ကျူးကဲယွဲ့သည် အဆင်ပြေသည့် အိပ်ရာဝင် အဝတ်အစားများကို လဲလှယ်ပြီး ဖြစ်နေခဲ့သည်။
သူမသည် ကုတင်၏ အတွင်းဘက်သို့ ကျုံ့ဝင်ကာ လီကွေ့သိုင်ကို ကျောပေးလျက် ရှိနေပြီး သူမ၏ ပခုံးငယ်လေးများမှာ အနည်းငယ် တောင့်တင်းနေကာ သူမသည် ကြောက်ရွံ့နေသည့် ငုံးငယ်လေးတစ်ကောင်ကဲ့သို့ သူမ၏ အသက်ရှူသံကိုပင် တမင်တကာ တိုးညှင်းအောင် ပြုလုပ်ထားခဲ့သည်။
လီကွေ့သိုင်သည် သူမ၏ အလွန်အမင်း စိုးရိမ်ပူပန်နေမှုကို ကြည့်ရင်း သူ၏ စိတ်ထဲတွင် ရယ်မောမိလိုက်သည်။
မည်သို့ပင်ဆိုစေကာမူ သူသည် ဒီလို အခြေအနေမျိုးကို တစ်ကြိမ် ကြုံတွေ့ဖူးသူ ဖြစ်သောကြောင့် သူ၏ စိတ်အနေအထားမှာ ပိုမို တည်ငြိမ်နေခဲ့သည်။
သူသည် ဖယောင်းတိုင်ကို မှုတ်လိုက်ကာ အမှောင်ထဲတွင် ကုတင်ပေါ်သို့ တက်လာခဲ့ပြီး ကျူးကဲယွဲ့၏ ဘေးတွင် လှဲလျောင်းလိုက်သည်။
အမှောင်ထုထဲတွင် သူ၏ အာရုံခံစားမှုများမှာ အလွန်အမင်း ထက်မြက်လာခဲ့သည်။
သူသည် ဘေးတွင် ရှိနေသူ၏ ရုတ်တရက် မြန်ဆန်လာခဲ့သည့် နှလုံးခုန်သံကို ရှင်းလင်းစွာ ကြားနိုင်ခဲ့ကာ သူမ၏ ကိုယ်ခန္ဓာ၏ သိမ်မွေ့သော တုန်ယင်မှုကို ခံစားနိုင်ခဲ့ပြီး မိန်းကလေးတစ်ဦး၏ သဘာဝ ရနံ့နှင့် ထိုလရောင်နှင့် ပိုးစုန်းကြူး ဝတ်စုံ၏ ဖျော့ဖျော့ ရောင်ခြည်တို့ ရောစပ်နေသည့် လှပသော ရနံ့ကိုပင် ရရှိနေခဲ့သည်။
"ယွဲ့အာ..." သူသည် တိုးတိုးလေး ခေါ်လိုက်ကာ သူ၏ အသံမှာ တိတ်ဆိတ်မှုထဲတွင် အလွန်တရာ နက်ရှိုင်းနေခဲ့သည်။
ကျူးကဲယွဲ့သည် မတုံ့ပြန်ခဲ့ဘဲ လုံခြုံမှုအချို့ကို ရရှိနိုင်မည်ကဲ့သို့ သူမ၏ ကိုယ်ခန္ဓာကို ပို၍ပင် တင်းတင်းကျုံ့လိုက်သည်။
သူမ ရှက်နေကြောင်း လီကွေ့သိုင် သိရှိထားသဖြင့် ဆက်လက် မကျပ်တည်းစေတော့ပေ။
အမှောင်ထဲတွင် သူ၏ သတ္တိမှာ တကယ်ပင် တိုးပွားလာခဲ့သည်။
သူသည် စမ်းသပ်သည့်အနေဖြင့် လက်ကို ဆန့်ထုတ်လိုက်ကာ ကျူးကဲယွဲ့၏ သေးသွယ်သော ခါးကို ညင်သာစွာ ဖက်တွယ်လိုက်သည်။
သူ၏ လက်ဖဝါးအောက်ရှိ ကိုယ်ခန္ဓာမှာ သံကဲ့သို့ ချက်ချင်း တောင့်တင်းသွားခဲ့သည်။
လီကွေ့သိုင်သည် ခဏမျှ ရပ်တန့်သွားခဲ့ပြီးနောက် သူမအား ပို၍ပင် ညင်သာစွာဖြင့် သူ၏ ရင်ခွင်ထဲသို့ ဆွဲသွင်းလိုက်ကာ ထိုသေးငယ်သော ကိုယ်ခန္ဓာ၏ နူးညံ့မှုနှင့် နွေးထွေးမှုကို ခံစားလိုက်ရသည်။
သူသည် ခေါင်းကို ငုံ့လိုက်ကာ သူမ၏ မွှေးကြိုင်သော ဆံပင်များကို ညင်သာစွာ နမ်းရှုံ့လိုက်ပြီး တိုးတိုးလေး ပြောဆိုလိုက်သည်။
"မကြောက်နဲ့..."
သူ၏ နှစ်သိမ့်မှုမှာ အချို့သော အကျိုးသက်ရောက်မှု ရှိပုံပေါ်နေခဲ့သည်။
ခင်ပွန်းနှင့် ဇနီးအဖြစ် အခြေအနေမှာ တည်မြဲပြီး ဖြစ်နေခြင်းကြောင့် ဖြစ်နိုင်သည်.. ကျူးကဲယွဲ့၏ တောင့်တင်းနေသည့် ကိုယ်ခန္ဓာမှာ တဖြည်းဖြည်း လျော့ရဲလာခဲ့သည်။
နီရောင်ဖယောင်းတိုင်ကို ငြှိမ်းသတ်လိုက်ပြီ ဖြစ်သော်လည်း ဤမင်္ဂလာဦးညမှာမူ စတင်နေခဲ့ပြီ ဖြစ်သည်။
...
အစပိုင်းတွင် လီကွေ့သိုင်သည် နုနယ်သော ပန်းပွင့်ဖတ်ကို မထိတ်လန့်စေရန် အလွန်တရာ ညင်သာစွာ ပြုမူခဲ့သည်။
သို့သော် သူတို့နှစ်ဦး၏ ဘဝများ ရောထွေးသွားခဲ့ကာ စိတ်ဝိညာဉ်များနှင့် ကိုယ်ခန္ဓာများ အနက်ရှိုင်းဆုံး ချိတ်ဆက်မိသွားခဲ့သည့် ခိုက်အတန့်တွင် ရုတ်တရက် အပြောင်းအလဲတစ်ခု ဖြစ်ပေါ်လာခဲ့သည်။
လီကွေ့သိုင်၏ ဒန်တျန်အနက်ရှိုင်းဆုံးရှိ ရှေးဟောင်း ကျောက်ကပ်ခန္ဓာကိုယ်မှာ ချက်ချင်း မီးစွဲလောင်သွားသကဲ့သို့ ဖြစ်သွားခဲ့ကာ "ရှေးဟောင်း ကျောက်ကပ် ကိုယ်ခန္ဓာကျင့်စဉ်" သည် မကြုံစဖူးသော အမြန်နှုန်းဖြင့် သူ့အလိုလို ရူးသွပ်စွာ လည်ပတ်လာခဲ့သည်။
ပူပြင်းပြီး စင်ကြယ်သည့် စွမ်းအင်စီးကြောင်း နှစ်ခုသည် သူ၏ ကျောက်ကပ် အရင်းအမြစ် နှစ်ခုမှ ပေါက်ကွဲထွက်လာခဲ့သည်။
တစ်ခုမှာ နွေးထွေးသော ရေစီးကြောင်းတစ်ခုကဲ့သို့ သူ၏ ကိုယ်လက်အင်္ဂါများ.. အရိုးများ.. သွေးကြောများနှင့် အမှတ်အသားများကို ဆေးကြောပေးကာ အာဟာရဖြည့်တင်းပေးခဲ့သည်။
အခြားတစ်ခုမှာ ပို၍ပင် ထူးဆန်းနေခဲ့ကာ ပြင်းထန်သော အသက်စွမ်းအင်နှင့် ဖန်ဆင်းရှင်၏ ဖော်ပြ၍မရနိုင်သော စွမ်းအားအချို့ကို သယ်ဆောင်ထားကာ သူ၏ မူလစွမ်းအင်နှင့် ကျူးကဲယွဲ့၏ ကိုယ်ခန္ဓာမှ ပြန်လည်ပေးပို့လာခဲ့သည့် စင်ကြယ်သော ယင်စွမ်းအင်၏ အစအနတစ်ခုတို့နှင့် ရောနှောကာ ရှေ့သို့တိုးလိုက် နောက်သို့ဆုတ်လိုက်ဖြင့် လည်ပတ်နေခဲ့သည်။
【ဒင်... အိမ်ရှင်နှင့် တာအိုလက်တွဲဖော် တို့သည် ယင်ယန် ပေါင်းစပ်မှုကို အောင်မြင်စွာ ရရှိခဲ့ကြပြီး ရှေးဟောင်း ကျောက်ကပ် ခန္ဓာကိုယ်၏ မူလစွမ်းအားကို ဖြစ်ပေါ်စေကာ ဘဝအတားအဆီးကို ဖောက်ထွင်းကျော်ဖြတ်နိုင်ခဲ့ကြောင်း သိရှိရပါသည်...】
【အိမ်ရှင်၏ ဝိညာဉ်အမြစ် အရည်အသွေး တက်ကြွလာမှု အဆင့်နိမ့် → ကိုးဆင့်မြောက် အလယ်...】
【အိမ်ရှင်၏ ကျင့်စဉ်အဆင့် ဖောက်ထွင်းကျော်ဖြတ်မှု: ချီစုစည်းခြင်း အဆင့် ၁ → ချီစုစည်းခြင်း အဆင့် ၂...】
【လက်တွဲဖော် ကျူးကဲယွဲ့ (ရှစ်ဆင့်မြောက် အလယ်အဆင့် ရေဝိညာဉ်အမြစ်) သည် မူလတုံ့ပြန်ချက်ကို လက်ခံရရှိခဲ့သည်; ဝိညာဉ်အမြစ် အလားအလာမှာ အနည်းငယ် အာဟာရဖြည့်တင်းခံခဲ့ရကာ ကျင့်ကြံသည့် အမြန်နှုန်းမှာလည်း အနည်းငယ် တိုးတက်လာခဲ့သည်...】
【မှတ်ချက်… ကြီးမားသော ဘဝသဟဇာတဖြစ်မှု.. ကျင့်ကြံသည့် အမြန်နှုန်း အသေးစား မြှင့်တင်မှု... အိမ်ရှင် ကျေးဇူးပြု၍ ဆက်လက် ကြိုးစားပေးပါ...】
စနစ်၏ အသိပေးချက်များ ဆက်တိုက်ဆိုသလို လီကွေ့သိုင်၏ ဦးနှောက်ထဲတွင် ပေါက်ကွဲထွက်လာခဲ့သော်လည်း သူ၏ အသေးစိတ် အချက်အလက်များကို ယခုအချိန်တွင် ကြည့်ရှုရန် အချိန်မရှိတော့ပေ။
သူသည် သူ၏ ကိုယ်ခန္ဓာတစ်ခုလုံး စွမ်းအင်များဖြင့် ပြည့်နှက်နေသည်ကိုသာ ခံစားလိုက်ရသည်။
ယခင်က သူ၏ အရည်အသွေး နိမ့်ကျမှုကြောင့် တုံ့ဆိုင်းနေခဲ့သည့် ဝိညာဉ်စွမ်းအင်မှာ ယခုအခါ စီးကြောင်းတစ်ခုကဲ့သို့ တဟုန်ထိုး စီးဆင်းလာခဲ့ကာ ချောမွေ့ပြီး အတားအဆီး မရှိ ဖြစ်နေခဲ့သည်။
ဖောက်ထွင်းကျော်ဖြတ်မှုကြောင့် ဖြစ်ပေါ်လာသည့် လန်းဆန်းသော ခံစားချက်မှာ အခြားသော ပြင်းထန်သည့် ပျော်ရွှင်မှု၏ အရသာနောက်ဆက်တွဲကို အတိုင်းအတာတစ်ခုအထိ ဖုံးအုပ်သွားစေခဲ့သည်။
သူ၏ ရင်ခွင်ထဲတွင် တင်းတင်းကျုံ့ ဖက်ထားခြင်းခံရသည့် ကျူးကဲယွဲ့သည်လည်း ခန္ဓာကိုယ်ချင်း ဆက်သွယ်နေသည့် နေရာမှ သူမ၏ ကိုယ်ခန္ဓာထဲသို့ စီးဝင်လာခဲ့သည့် နူးညံ့ပြီး စွမ်းအားပြည့်ဝသည့် နွေးထွေးသော ရေစီးကြောင်းကို ရှင်းလင်းစွာ ခံစားလိုက်ရသည်။
သူမ၏ မူလ ချီစုစည်းခြင်း အဆင့် ၃ ၏ ကျင့်စဉ် အတားအဆီးမှာ အနည်းငယ် လျော့ရဲလာခဲ့ကာ သူမ၏ ဝိညာဉ်စွမ်းအင်မှာ ပိုမို တက်ကြွလာပြီး စုစည်းလာခဲ့သည်။
သူမသည် တိုက်ရိုက် မဖောက်ထွက်နိုင်ခဲ့သော်လည်း ချီစုစည်းခြင်း အဆင့် ၄ ၏ တံခါးပေါက်သို့ ကြီးမားသော ခြေလှမ်းတစ်လှမ်းဖြင့် နီးကပ်သွားပြီး ဖြစ်နေခဲ့သည်။
ပထမဆုံးအကြိမ် ရင်းနှီးကျွမ်းဝင်မှုကို ခံစားရခြင်းကြောင့် အနည်းငယ် ပင်ပန်းနွမ်းနယ်နေခဲ့သည့် သူမ၏ ကိုယ်ခန္ဓာနှင့် စိတ်ဝိညာဉ်တို့မှာ ထိုစွမ်းအင်၏ အာဟာရဖြည့်တင်းမှုအောက်တွင် လျင်မြန်စွာ ပြန်လည်ကောင်းမွန်လာခဲ့ပြီး ပိုမို ပေါ့ပါးလာကာ ပိုမို ရှင်းလင်းလာခဲ့သည်။
သူမသည် သူမ၏ ရေစိုစို မျက်လုံးများကို အံ့သြစွာဖြင့် ဖွင့်လိုက်ကာ အမှောင်ထဲတွင် လီကွေ့သိုင်၏ ဝေဝါးနေသည့် ပုံသဏ္ဌာန်ကို ကြည့်လိုက်ရာ သူမ၏ စိတ်နှလုံးထဲတွင် မယုံကြည်နိုင်မှုများဖြင့် ပြည့်နှက်နေခဲ့သည်။
လီကွေ့သိုင်သည် သူ့လက်မောင်းထဲရှိ လူ၏ သိမ်မွေ့သော ပြောင်းလဲမှုများကို ခံစားလိုက်ရသကဲ့သို့ သူ၏ ကိုယ်ပိုင် စွမ်းအား တိုးတက်လာမှုကိုလည်း ခံစားလိုက်ရသည်။
ခဏတာ အံ့အားသင့်သွားပြီးနောက် သူ၏ ရင်ဘတ်ထဲတွင် ရူးသွပ်သည့် ပျော်ရွှင်မှု လှိုင်းလုံးကြီးတစ်ခု ထွက်ပေါ်လာခဲ့သည်။
ဒီရှေးဟောင်း ကျောက်ကပ် ခန္ဓာကိုယ်နှင့် "ရှေးဟောင်း ကျောက်ကပ် ခန္ဓာကိုယ် ကျင့်စဉ် " တို့သည်... အမှန်တကယ်ပင် ဒီလို အံ့သြဖွယ်ကောင်းသည့် အသုံးဝင်မှုမျိုး ရှိနေခဲ့ပါလား...
နှစ်ဦးတွဲ ကျင့်ကြံခြင်းက သူ့ကို ပိုမို သန်မာလာစေနိုင်သည်ပေါ့လေ...
ထိုရှာဖွေတွေ့ရှိမှုကြောင့် မူလက အနည်းငယ် ထိန်းသိမ်းထားခဲ့သည့် သူ၏ အတွေးရိုင်းများကို မြက်ပင်များကဲ့သို့ ရူးသွပ်စွာ ကြီးထွားလာစေခဲ့သည်...
ရှည်လျားလှသည့် ညမှာ အဆုံးအစ မရှိသော်လည်း နွေဦးညမှာမူ တိုတောင်းလှပေသည်။
နောက်တစ်နေ့ နံနက်ခင်းတွင် နေရောင်ခြည်သည် ကျောက်တံခါး၏ ကွဲအက်ရာများမှတစ်ဆင့် ဂူအတွင်းသို့ ထိုးဖောက် ဝင်ရောက်လာခဲ့သည်။
လီကွေ့သိုင်သည် တက်ကြွမှုများ ပြည့်နှက်နေလျက် နိုးလာခဲ့သည်။
အနည်းငယ် အာရုံခံလိုက်သည်နှင့် သူ၏ မျက်နှာပေါ်တွင် ရူးသွပ်သည့် ပျော်ရွှင်မှု အရိပ်အယောင်တစ်ခု ချက်ချင်း ပေါ်လာခဲ့သည်...
သူ၏ ကျင့်စဉ်မှာ တစ်ညတည်းဖြင့် နောက်တစ်ကြိမ် ဖောက်ထွင်းကျော်ဖြတ်သွားခဲ့ကာ ချီစုစည်းခြင်း တတိယအဆင့်သို့ ရောက်ရှိသွားခဲ့ပြီ ဖြစ်သည်။
သူ့ဘေးတွင် ကျူးကဲယွဲ့သည် လုံးဝ အိပ်ပျော်နေဆဲဖြစ်ကာ သူမ၏ ပါးပြင်များတွင် မနေ့ညက မပျောက်ကွယ်သေးသည့် အနီရောင်များ ကျန်ရစ်နေဆဲ ဖြစ်သည်။
သူမ၏ အသက်ရှူသံမှာ ပုံမှန်ဖြစ်နေခဲ့ကာ သူမ၏ မျက်ခုံးများကြားတွင် အိမ်ထောင်သစ် ကနဦးဇနီးသည်၏ ကျက်သရေတို့ ပိုမို ပါဝင်နေသကဲ့သို့ ဖြစ်နေခဲ့သည်။
သူမ၏ ကိုယ်ခန္ဓာပေါ်ရှိ ဝိညာဉ်စွမ်းအင် အတက်အကျများမှာလည်း သိသိသာသာကို အားကောင်းလာခဲ့သည်။
သူမသည် မကျော်ဖြတ်ရသေးသော်လည်း ချီစုစည်းခြင်း အဆင့် ၅ ၏ တံခါးပေါက်သို့ အလွန်ပင် နီးကပ်နေပြီ ဖြစ်သည်။
"နက်ရှိုင်းသော ကျင့်ကြံခြင်း" ညသည် သူမအတွက် ကြီးမားသော အကျိုးကျေးဇူးကို ရရှိစေခဲ့သည်။
လီကွေ့သိုင်သည် သူ၏ ရင်ခွင်ထဲတွင် အိပ်ပျော်နေသည့် ဇနီးသည်ကို ကြည့်ရင်း သူ၏ ကိုယ်ခန္ဓာအတွင်းရှိ စီးဆင်းနေသည့် စွမ်းအားကို ခံစားလိုက်ရကာ သူ၏ စိတ်နှလုံးထဲတွင် သူရဲကောင်းဆန်သည့် စိတ်ဓာတ်များဖြင့် ပြည့်နှက်လာခဲ့သည်။